پیٹرولیم مصنوعات کی قیمتوں میں اضافے کے بعد مہنگائی سر اُٹھانے لگی

(اردو ایکسپریس) پیٹرولیم مصنوعات کی قیمتوں میں اضافے کے بعد مہنگائی سر اُٹھانے لگی ، 1 ہفتے میں 15 اشیائے ضروریہ کی قیمتوں میں اضافہ ہوا، 9 اشیاء سستی ہوئیں جبکہ 27 کی قیمتیں مستحکم رہیں۔ ادارۂ شماریات کی رپورٹ کے مطابق رواں 1 ہفتے میں ایل پی جی 13.28 فیصد مہنگی ہوئی، انڈوں کی قیمت میں 2.23 فیصد اور مرغی کی قیمت میں 2.13 فیصد اضافہ ہوا۔ 1 ہفتے میں دال ماش 1.74 اور مٹن 1.54 فیصد مہنگا ہوا، دودھ، دہی، بیف اور دال مسور کی قیمتوں میں بھی اضافہ ہوا ہے، اس 1 ہفتے میں ٹماٹر 6.03 فیصد، لہسن 3.38 فیصد، آلو 1.22 فیصد اور پیاز 1.21فیصد سستی ہوئی ہے۔