(اردو ایکسپریس) 2017 چیمپئنز ٹرافی کے تاریخی فائنل سے ایک دن قبل، پاکستانی کپتان سرفراز احمد نے ٹیم میٹنگ میں پُراعتماد انداز میں کہا: "یہ فائنل ہم ہی جیتیں گے، بس اسے ایک نارمل میچ سمجھ کر کھیلنا ہے!” سرفراز کی ان الفاظ نے محمد عامر سمیت پوری ٹیم کا حوصلہ بلند کر دیا۔
محمد عامر کے مطابق، وہ بےصبری سے میچ کے آغاز کے منتظر تھے اور جیسے ہی ان کی گیند پر اظہر علی نے ویرات کوہلی کا کیچ چھوڑا، انہیں پورا یقین ہوگیا کہ اگلی گیند پر کوہلی کو آؤٹ کر دیں گے—اور ایسا ہی ہوا!
محمد عامر نے سرفراز احمد کی کپتانی کی تعریف کرتے ہوئے کہا کہ وہ وکٹوں کے پیچھے سے بلے باز کی کمزوریوں کو بھانپ لیتے اور بولرز کو درست لائن و لینتھ کی ہدایت دیتے۔ ان کے مطابق، سرفراز کی قائدانہ صلاحیتیں شاندار تھیں اور انہوں نے پاکستان کو تاریخی کامیابی دلانے میں اہم کردار ادا کیا۔
