ہر طرف اسموگ ، دنیا کے آلودہ ترین شہرو ں میں لاہور کا آج بھی پہلا نمبر

(اُردو ایکسپریس) دنیا کے آلودہ ترین شہرو ں میں لاہور کا آج بھی پہلا نمبر، ہر طرف اسموگ کا راج ہے، شہر میں فضائی آلودگی میں مزید اضافہ ہو گیا۔صبح سویرے ہی شہر کا ایوریج ائیر کوالٹی انڈیکس 824تک پہنچ گیا، فضائی آلودگی کے اعتبار سے دنیا بھر کے آلودہ ترین شہروں میں لاہور پہلے نمبر آگیا۔

دوسری جانب پنجاب کے مختلف اضلاع اسموگ کے باعث 4 ڈویژنز میں ماسک پہننا لازمی قرار دے دیا گیا ہے۔ ڈی جی ماحولیات عمران حامد شیخ کی جانب سے نوٹیفیکشن جاری کر دیا گیا ہے جس کے مطابق لاہور، گوجرانوالہ، فیصل آباد، ملتان ڈویژنز میں ماسک پہننا لازمی قرار دیا گیا ہے۔