(اُردو ایکسپریس) بالی وُڈ انڈسٹری میں محبت کی کہانیاں ہمیشہ سے لوگوں کی توجہ کا مرکز رہی ہیں، اور کئی ستارے ایسے بھی ہیں جنہوں نے اپنے پیار کو پانے کے لیے مذہب تبدیل کر لیا۔ اس فہرست میں شرمیلا ٹیگور، امرتا سنگھ اور دیگر مشہور شخصیات شامل ہیں، جنہوں نے روایتوں کی پرواہ کیے بغیر اپنے دل کی سن لی۔
شرمیلا ٹیگور اور منصور علی خان:
مشہور اداکارہ شرمیلا ٹیگور، جنہوں نے اپنے کیریئر کا آغاز بنگالی فلموں سے کیا اور پھر بالی وُڈ میں اپنی پہچان بنائی، پٹودی خاندان کے نواب منصور علی خان کی محبت میں گرفتار ہوئیں۔ ان سے شادی کے لیے شرمیلا نے اپنا مذہب تبدیل کر کے بیگم عائشہ سلطان کا نام اختیار کیا۔ خاندان کی مخالفت کے باوجود، دونوں نے اپنی محبت کو کامیابی سے ہمکنار کیا۔
امرتا سنگھ اور سیف علی خان:
اداکارہ امرتا سنگھ، جو ایک سکھ خاندان سے تعلق رکھتی تھیں، نے بھی محبت کی راہ میں بڑی قربانی دی۔ انہوں نے اداکار سیف علی خان سے شادی کے لیے اسلام قبول کیا۔ تاہم، ان کی شادی زیادہ عرصہ نہ چل سکی اور طلاق پر منتج ہوئی۔ ان کے دو بچے ہیں، جن میں سارہ علی خان بھی شامل ہیں، جو اب خود بالی وُڈ کا حصہ ہیں۔
یہ کہانیاں ثابت کرتی ہیں کہ محبت کسی سرحد، مذہب یا رسم و رواج کی محتاج نہیں ہوتی۔
