(اُردو ایکسپریس) چین کے شہر شنگھائی میں ایک حیران کن دھوکہ دہی کا کیس سامنے آیا، جہاں ایک شخص کو مصنوعی ذہانت (AI) سے تخلیق کردہ "گرل فرینڈ” نے لاکھوں روپے سے محروم کر دیا۔ متاثرہ شخص، لیو صاحب، نے ایک ویڈیو کے ذریعے ‘جیاؤ خاتون’ سے رابطہ قائم کیا، اور دونوں کے درمیان جلد ہی ایک رومانوی تعلق پروان چڑھا۔
دو ماہ کے اندر، ‘جیاؤ خاتون’ نے مختلف بہانوں، جیسے دکان کھولنے، ضروری سامان خریدنے اور خاندان کے افراد کی سرجری کے لیے، لیو صاحب سے 200,000 یوآن (تقریباً 20 لاکھ روپے) بٹور لیے۔ بعد میں یہ انکشاف ہوا کہ جیاؤ کی تصاویر اور ویڈیوز دراصل AI سے تخلیق کردہ تھیں اور یہ ایک بڑے فراڈ نیٹ ورک کا حصہ تھا، جس نے مجموعی طور پر 200 لاکھ یوآن سے زائد کی رقم ہتھیائی۔
پولیس نے کارروائی کرتے ہوئے درجنوں موبائل فونز، سینکڑوں سم کارڈز اور ہزاروں متاثرین کی ممکنہ فہرست برآمد کی۔ یہ نیٹ ورک AI کا استعمال کرکے جعلی پروفائلز اور ویڈیوز بناتا اور لوگوں کو بے وقوف بناتا تھا۔
یہ واقعہ ایک بڑا انتباہ ہے کہ AI ٹیکنالوجی کو کس طرح دھوکہ دہی کے لیے استعمال کیا جا سکتا ہے، اور آن لائن تعلقات میں حد درجہ احتیاط کی ضرورت ہے۔
