پاکستان میں ٹک ٹاک اسٹارز کی مبینہ نازیبا ویڈیوز لیکڈ ہونے کا سلسلہ جاری ہے ، اب تک 10 سے زائد سوشل میڈیا سیلبریٹیز کی ویڈیوز سامنے آ چکی ہیں ۔
نجی ٹی وی چینل آج نیوز کی خبر کے مطابق پاکستانی سوشل میڈیا اسٹار اور ٹک ٹاکر کنول آفتاب ایک اور مبینہ ویڈیو لیک اسکینڈل کی زد میں آگئی ہیں۔ اس سے پہلے متھیرا، مناہل ملک، امشا رحمان، گل چاہت ، مسکان چانڈیو و دیگر کی نجی ویڈیوز لیک ہونے کے بعد کنول آفتاب کی بھی مبینہ طور پر نازیبا ویڈیو لیک ہو گئی ہے۔ تاہم، ابھی تک مشہور ٹک ٹاکر کنول آفتاب یا ان کے خاندان کی جانب سے کوئی باضابطہ بیان جاری نہیں کیا گیا، اور ویڈیو کی صداقت کی تصدیق بھی نہیں ہوئی ہے۔
دوسری جانب سوشل میڈیا پر کنول آفتاب کے مداح اس صورت حال پر شدید تشویش کا اظہار کر رہے ہیں اور ڈیجیٹل پرائیویسی کے تحفظ کا مطالبہ کر رہے ہیں۔
26 سالہ کنول آفتاب 9 جنوری 1998 کو پیدا ہوئیں۔ وہ ایک مشہور پاکستانی سوشل میڈیا شخصیت ہیں جن کے انسٹاگرام پر 35 لاکھ سے زیادہ فالوورز ہیں۔ آپ نجی ڈیجیٹل میڈیا نیٹ ورک کے ساتھ بطور پروگرام ہوسٹ بھی رہ چکی ہیں ،اپنے شوہر ذوالقرنین سکندر اور بیٹی ایزال ذوالقرنین کے ساتھ تصاویر اور ویڈیوز شیئر کرنے کے لیے مشہور ہیں۔
ملک میں سوشل میڈیا پر مشہور شخصیات کی نجی ویڈیوز کا لیک ہونا ایک سنگین مسئلہ بن چکا ہے۔ نہ صرف سیلیبریٹیز بلکہ عام صارفین بھی اس غیر محفوظ ماحول میں اپنی پرائیویسی کے حوالے سے خوفزدہ ہیں۔
مبینہ نازیبا ویڈیو لیک ہونے کے واقعات نے نہ صرف متاثرہ افراد کی نجی زندگی پر گہرے اثرات مرتب کیے ہیں بلکہ پاکستانی سوشل میڈیا کی دنیا میں صارفین کے درمیان اخلاقیات اور رازداری کے معاملات پر ایک بڑی بحث کو جنم دیا ہے۔
