(اُردو ایکسپریس) علامہ اقبال اوپن یونیورسٹی نے سمسٹر بہار 2024 کے ماسٹر پروگرامز کے فائنل امتحانات کی ڈیٹ شیٹ جاری کی ہے۔جاری کردہ ڈیٹ شیٹ کے مطابق امتحانات 15نومبر سے شروع ہوں گے جو 16دسمبر تک جاری رہیں گے
۔وائس چانسلر، پروفیسر ڈاکٹر ناصر محمود نے امتحانی مراکز میں طلبہ کو بنیادی سہولتوں کی فراہمی کو یقینی بنانے کی ہدایات جاری کردی ہیں۔علاوہ ازیں سمسٹر خزاں 2024ء کے دوسرے مرحلے کے داخلے جاری ہیں۔ اس مرحلے میں پیش کئے جانے والے تعلیمی پروگراموں میں ایسوسی ایٹ ڈگری اِن آرٹس(بی اے جنرل)، ایسوسی ایٹ ایٹ ڈگری اِن کامرس(بی کام)،بی بی اے، ایسوسی ایٹ ڈگری اِن ایجوکیشن، بی ایس(او ڈی ایل )پروگرامز، ڈیڑھ، اڑھائی،چار سالہ بی ایڈ پروگرامز، پوسٹ گریجویٹ ڈپلومہ پروگرامز اور سرٹیفکیٹ کورسز شامل ہوں گے۔
