پشاور میں خواجہ سرا کو فائرنگ کرکے زخمی کردیا گیا

(اُردو ایکسپریس) پشاور میں تھانہ کوتوالی کی حدود میں فائرنگ کرکےخواجہ سرا کو زخمی کردیا گیا۔
پولیس ذرائع کے مطابق زخمی ہونے والے خواجہ سرا کا نام برفی ہے، جسے تھانہ کوتوالی کی حدود میں نشانہ بنایا گیا،اسے زخمی حالت میں لیڈی ریڈنگ ہسپتال منتقل کردیاگیا جبکہ پولیس نے دو ملزمان کے خلاف مقدمہ درج کرلیا ہے۔خواجہ سرا ایسوسی ایشن کی صدر فرزانہ کا کہنا ہے کہ چند روز کے دوران خواجہ سراؤں پر یہ چوتھا حملہ ہے، جبکہ گزشتہ ہفتے بھی ایک خواجہ سرا کو قتل کیا گیا تھا، خیبرپختونخوا میں اب تک 60 سے زائد خواجہ سرا قتل کیے جاچکے ہیں، صوبائی حکومت خواجہ سراؤں کے تحفظ کےلیے اقدامات کرے۔