محکمہ موسمیات نے ملک بھر میں بارشوں کے نئے سلسلے کی پیش گوئی کردی

(اُردو ایکسپریس) محکمہ موسمیات نے ملک میں 23 اگست سے بارشوں کے نئے سلسلے کی پیشگوئی کر دی ہے ۔

محکمہ موسمیات کے مطابق 23 سے 27 اگست کے دوران ملک کے وسطی اور بالائی علاقوں میں گرج چمک کے ساتھ بارش کا امکان ہے ، 27 سے 29 اگست تک سندھ اور مشرقی/جنوبی بلوچستان میں شدید بارشوں کی توقع ہے ، 23 سے 27 اگست تک آزادکشمیر اور گلگت بلتستان کے اکثر علاقوں میں بارش متوقع ہے خیبرپختونخوا میں 23 سے 26 اگست تک مختلف مقامات پر بارش ، اسلام آباد اور پنجاب کے مختلف علاقوں میں 23 سے 27 اگست کے دوران بارشوں کا امکان ہے ۔ 23 سے 26 اگست کے دوران سندھ کے چند مقامات ، بلوچستان کے مختلف علاقوں میں بارش متوقع ہے ۔بارشوں سے مختلف شہروں میں سیلاب اور بالائی علاقوں میں لینڈ سلائیڈنگ کا خطرہ ہے ، وسطی پنجاب سمیت مختلف علاقوں میں اربن فلڈنگ کا بھی خدشہ ہے۔