ووٹر کی عمر 18 سے بڑھا کر 25 سال کرنے سے متعلق بڑی خبر آگئی

(اردو ایکسپریس) وزیرِ منصوبہ بندی احسن اقبال نے واضح طور پر کہا ہے کہ ووٹر کی عمر 18 سال سے بڑھا کر 25 سال کرنے سے متعلق جو خبریں پھیل رہی ہیں وہ بنیاد ہی نہیں رکھتیں۔ احسن اقبال نے سوشل میڈیا پر جاری اپنے بیان میں تصدیق کی کہ ایسی کوئی قانون سازی زیرِ غور نہیں اور نہ ہی حکومت نے اس بارے میں کوئی بل تیار کیا ہے۔ انہوں نے کہا کہ پاکستان کی نوجوان نسل ملک کا سب سے بڑا اثاثہ ہے اور ان کے سیاسی حقوق سے کسی قسم کی محرومی کا تصور بھی نہیں کیا جا سکتا، احسن اقبال نے اس تاثر کو غلط فہمی اور غلط معلومات پھیلانے کی مہم قرار دیا ہے۔واضح رہے کہ حال ہی میں سوشل میڈیا اور کچھ حلقوں میں ووٹنگ کی عمر بڑھانے کے حوالے سے بحث چل رہی تھی، مگر حکومت نے صراحت کے ساتھ مسترد کر دیا ہے کہ 18 سال کی عمر رکھنے والے نوجوان ووٹ دینے کے حق سے محروم نہیں کیے جائیں گے۔