مشہور خاتون اینکر فضائی حملے میں شہید

دمشق:( اُردو ایکسپریس ویب ڈیسک)اسرائیلی جنگی جنون میں بے لگام ہو گیا، غزہ، لبنان اور یمن کے بعد شام کے دارالحکومت دمشق پر بھی فضائی حملہ کر دیا ہے۔ حملے میں معروف ٹی وی اینکر شہید ہو گئیں ۔

غیر ملکی میڈیا کے مطابق دمشق پر اسرائیلی فضائی حملے میں شام کی معروف ٹی وی اینکر صفا احمد سمیت تین افراد شہید ہو گئے ہیں۔

غیر ملکی میڈیا کے مطابق اسرائیل نے طیاروں اور ڈرون کے ذریعے دمشق کو نشانہ بنایا۔ دفاعی نظام نے کئی میزائلوں اور ڈرون کو فضا میں ہی تباہ کر دیا۔

یہ بھی پڑھیں:امریکی وزیر دفاع نے اسرائیل حزب اللہ کے درمیان بڑی جنگ کا خدشہ ظاہر کردیا

حملوں میں 3 شہری شہید اور 9 زخمی ہوئے، ایک دھماکہ شام کی ٹیلی کام بلڈنگ کے قریب ہوا۔دوسری جانب امریکی نشریاتی ادارے کے مطابق اسرائیل نے شام پر حملوں کی اطلاعات پر تبصرے سے انکار کر دیا۔