پارلیمنٹ ہاؤس سے اراکین کی گرفتاریاں، وزارتِ داخلہ اور آئی جی اسلام آباد کو نوٹس جاری

اسلام آباد ہائی کورٹ میں پارلیمنٹ ہاؤس سے ارکانِ اسمبلی کی گرفتاریوں کے خلاف درخواست پر سماعت ہوئی۔چیف جسٹس اسلام آباد ہائی کورٹ عامر فاروق نے رکنِ اسمبلی زین قریشی کی درخواست پر سماعت کرتے ہوئے وزارتِ داخلہ اور آئی جی اسلام آباد کو نوٹس جاری کر دیا۔عدالت نے سیکریٹری قومی اسمبلی اور چیف کمشنر اسلام آباد کو بھی نوٹس جاری کر کے جواب طلب کر لیا۔اسلام آباد ہائی کورٹ نے فریقین کو 10 دن میں جواب جمع کرانے کی ہدایت کی ہے۔سماعت کے دوران چیف جسٹس اسلام آباد ہائی کورٹ عامر فاروق نے پٹیشنر کے وکیل سے سوال کیا کہ یہ کب کا واقعہ ہے؟درخواست گزار کے وکیل نے جواب دیا کہ 9 ستمبر کو ارکانِ پارلیمنٹ کو گرفتار کیا گیا۔