برازیل نے ایلون مسک کے سوشل میڈیا پلیٹ فارم ایکس پر پابندی لگادی

برازیل نے عدالتی احکامات پر ایلون مسک کے سوشل میڈیا پلیٹ فارم ایکس پر پابندی لگادی۔برطانوی میڈیا کے مطابق برازیلی عدالت نے ایلون مسک سے فیک نیوز پھیلانے والوں کیخلاف کارروائی کا مطالبہ کیا تھا، تاہم ایلون مسک نے برازیل میں اس مقصد کیلئے دفتر کھولنے سے انکار کر دیا تھا۔برازیل کی سپریم کورٹ کے جج ایلگزینڈ موریس نے نیشنل ٹیلی کمیونیکیشن کو حکم جاری کیا کہ فوری طور پر ملک بھر میں ایکس کی سروسز کو مکمل طور پر بند کردیا جائے۔سپریم کورٹ نے گوگل اور ایپل سمیت انٹرنیٹ پرووائیڈرز کو بھی ایک ایپلی کیشنز کو روکنے کیلئے ٹینکالوجیکل رکاوٹیں لگانے کا حکم دیا۔سماجی رابطوں کی ویب سائٹ ایکس کو 22 ملین سے زائد صارفین استعمال کرتے ہیں۔واضح رہے کہ ایلون مسک رواں ماہ کے آغاز میں ہی برازیل میں اپنے کاروباری معاملات بند کرچکے ہیں۔انہوں دعویٰ کیا کہ سپریم کورٹ کے جج موریس کی جانب سے کمپنی کے قانونی نمائندے کو سینسرشپ آرڈر پر جبری عملدرآمد کیلئے گرفتاری کی دھمکیاں دی گئی تھیں۔