مسنگ ایشو الارمنگ ہو چکا، پتا چلتا ہے بندہ یہاں مسنگ ہے لیکن افغانستان بیٹھا ہوا ہے: جج لاہور ہائیکورٹ

لاہور ہائیکورٹ راولپنڈی بینچ کے جج جسٹس مرزا وقاص رؤف نے کہا ہے کہ مسنگ پرسنز کا مسئلہ کافی سنگین ہو چکا ہے، پتہ چلتا ہے بندہ یہاں مسنگ ہے لیکن افغانستان بیٹھا ہوا ہے۔ لاہور ہائیکورٹ راولپنڈی بینچ کے جسٹس مرزا وقاص رؤف نے سابق ڈپٹی سپرنٹنڈنٹ اڈیالہ جیل محمداکرم کی بازیابی سےمتعلق دائردرخواست پر سماعت کی جس سلسلے میں محمد اکرم کی اہلیہ میمونہ ریاض، ایڈووکیٹ ایمان مزاری اور پولیس کے سینئر افسران عدالت میں پیش ہوئے۔ عدالت نے سی پی او راولپنڈی سے استفسار کیا کہ محمداکرم کی بازیابی سےمتعلق کوئی سراغ ملا؟ سی پی او نے بتایا کہ بازیابی کے لیے کام کررہے ہیں۔