حکومت کا ’بلیو اکانومی‘ کے ذریعے معیشت بہتر بنانے پر غور

حکومت نے ایس آئی ایف سی کے تعاون سے ’بلیو اکانومی‘ کے ذریعے معیشت بہتر بنانے پر غور کرنے شروع کر دیا۔’بلیو اکانومی‘ کے ذریعے معاشی ترقی کے لیے کراچی میں کولمب کانفرنس آن لاجسٹکس 2024ء کا انعقاد کیا جائے گا۔’بلیو اکانومی‘ اقتصادی ترقی، روزگار کے مواقع کے لیے سمندری وسائل کا پائیدار استعمال ہے۔عالمی ’بلیو اکانومی‘ میں پاکستان کا صرف 0.25 فیصد حصہ ہے جو عالمی برآمداتی منڈی میں سب سے کم ہے۔ماہی گیری کے روایتی طریقوں کا استعمال، غیرقانونی ماہی گیری ’بلیو اکانومی‘ کی ترقی میں رکاوٹ ہے۔بدعنوانی کی روک تھام کے لیے پاکستان نے میری ٹائم اینٹی کرپشن نیٹ ورک ڈنمارک کے ساتھ شراکت داری کی ہے۔