بندروں کے خوف سے خاتون گھر کی چھت سے گر کر ہلاک

بھارتی ریاست اترپردیش میں بندروں کے خوف سے خاتون گھر کی چھت سے گر کر ہلاک ہوگئی۔بھارتی میڈیا کے مطابق پولیس کی جانب سے تفصیلات بتائی گئی کہ یہ افسوسناک واقعہ ضلع کوشامبی میں پیش آیا جہاں کرن دیوی نامی خاتون چھت سے رسی پر ٹنگے کپڑے اتارنے گئی تھی۔پولیس نے بتایا کہ خاتون رسی سے کپڑے اتار رہی تھی کہ اسی دوران بندروں کا ایک جھنڈ چھت پر آگیا جسے دیکھ کر خاتون خوف میں مبتلا ہوگئی۔