الیکشن ترمیمی ایکٹ کیخلاف دائر درخواست پر رجسٹرار آفس نے اعتراض عائد کردیا

لاہور ہائیکورٹ میں ریٹائرڈ ججز کو بطور الیکشن ٹربیونل تعینات کرنے کے معاملے پر الیکشن ترمیمی ایکٹ 2024 کے خلاف دائر درخواست پر رجسٹرار آفس نے اعتراض عائد کردیا۔رجسٹرار آفس کی جانب سے اعتراض میں کہا گیا کہ درخواست کے ساتھ الیکشن ترمیمی ایکٹ 2024 کی کاپی لف نہیں کی گئی، الیکشن ترمیمی آرڈیننس کے خلاف دائر درخواست کی کاپی بھی لف نہیں جبکہ رجسٹرار آفس نے اعتراض لگا کر درخواست واپس کر دی۔واضح رہے کہ الیکشن ترمیمی ایکٹ 2024 کے خلاف درخواست شہری منیر احمد کی جانب سے دائر کی گئی۔