پاکستانی عوام ملکی تاریخ کی سب سے مہنگی بجلی خریدنے پر مجبور

موجودہ حکومت میں شہری ملکی تاریخ کی سب سے مہنگی بجلی خریدنے پرمجبور ہوگئے جبکہ شہباز شریف کی وزارت عظمیٰ کے پہلے ماہ میں ملک کا اوسط فی یونٹ بجلی ٹیرف سب سے زیادہ 42روپے 59پیسے پر پہنچنے کا انکشاف ہوا ہے۔ پاور ڈویژن نے مالی سال 2023-24کے دوران ملک کی اوسط فی یونٹ بجلی ٹیرف کی تفصیلات سے نیپراکو آگاہ کردیا ہے۔دستاویز کے مطابق گزشتہ مالی سال کے دوران مارچ2024میں ملک کا اوسط فی یونٹ بجلی کا ٹیرف سب سے زیادہ 42روپے59پیسے پر پہنچ گیا تھا، ملک کے اوسط فی یونٹ ٹیرف میں بجلی کی بنیادی قیمت، ماہانہ اور سہ ماہی ایڈجسٹمنٹس شامل تھیں۔