کھیل

کرکٹر عثمان قادر کا ریٹائرمنٹ کا اعلان ، کیا وجہ سامنے آئی ؟

Spread the love

لاہور: (اُردو ایکسپریس ویب ڈیسک) قومی کرکٹر اسپن بولر عثمان قادر نے آج پاکستان کرکٹ سے ریٹائر ہونے کا اعلان کر دیا ،انہوں نے سوشل میڈیا پر ریٹائرمنٹ کا اعلان کیا اور بعدازاں انہوں نےپاکستان کرکٹ سے ریٹائرمنٹ کی تصدیق کردی۔

واضح رہے عثمان قادر سابق لیجنڈری ٹیسٹ کرکٹر عبدالقادر مرحوم کے صاحب زادے ہیں، انہوں نے ایک ون ڈے اور 25 ٹی ٹوئنٹی میچز میں پاکستان کی نمائندگی کی ہے۔

ریٹائرمنٹ کا فیصلہ کیوں کیا ؟

میڈیا ذرائع کے مطابق عثمان قادر نے این او سی کے معاملات سے دل برداشتہ ہو کر ریٹائرمنٹ کا اعلان کیا، انہیں کافی عرصے سے این او سی(NOC) کے حوالے سے مشکلات کا سامنا تھا۔ذرائع کا یہ بھی کہنا ہے کہ عثمان قادر شعبہ انٹرنیشنل کے رویے سے بھی بہت مایوس تھے، وہ اب دیگر ممالک میں اپنے کرکٹ کے مستقبل کو دیکھیں گے۔

یہ بھی پڑھیں: بابر کے مستعفیٰ ہونے کے بعد قومی ٹیم کی کپتانی کا مضبوط امیدوار کون؟ نام سامنے آگیا

اپنی ریٹائرمنٹ کی تصدیق کرتے ہوئے عثمان قادر نے کہا کہ پاکستان کرکٹ میں میرا سفر بڑا شاندار رہا، پاکستان کی نمائندگی میرے لیے اعزاز ہے، کرکٹ کوچز اور ٹیم کے ساتھیوں کا شکریہ ادا کرتا ہوں جنہوں نے مجھے سپورٹ کیا، میں اب نئے باب میں داخل ہو رہا ہوں، اپنے والد ( عبدالقادر) کی وراثت کو جاری رکھوں گا۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے