(اُردو ایکسپریس)
پنجاب کے سرکاری اور نجی اسکولوں میں یونیفارم پرنرمی کردی گئی ہے۔
محکمہ اسکول ایجوکیشن کی جانب سے جاری نوٹیفکیشن میں کہا گیا ہے کہ پنجاب کے تمام سرکاری اور نجی اسکولز یونیفارم پالیسی میں نرمی ہوگی۔
طلبا کو 28 فروری 2025 تک کسی بھی رنگ کی جرسی ،کوٹ یا جوتے پہننے کی اجازت ہے،یونیفارم میں نرمی کا فیصلہ بچوں کو سرد موسم سے بچانے کیلئے کیا گیا ہے۔
دوسری جانب پنجاب کے سیکرٹری اسکولز خالد نذیر وٹو نے کہا ہے کہ صوبے میں 20 دسمبر سے موسم سرما کی چھٹیوں کا آغاز ہوگا۔
سیکرٹری اسکولزپنجاب کا کہنا تھا کہ تعلیمی اداروں میں 10 جنوری 2025ء تک چھٹیاں ہوں گی،پنجاب کے اسکولوں میں اس دفعہ موسم سرما کی 20 چھٹیاں ہوں گی۔
